لما تبطل تدور على رضا حد ـ نشأت البسيوني
بقلم/نشأت البسيوني
في وقت معين الانسان يتعب من محاولة ارضاء الكل يتعب من انه يراقب كلامه وحركاته وتصرفاته علشان ما يزعلش حد ويتعب من انه يفكر الف مرة قبل ما يقول كلمة برغم انه محدش بيفكر فيه بالطريقة دي
وتبدأ لحظة صحوة
تحس انك كنت محاصر برأي الناس
وانك كنت مؤجل نفسك علشان تريح غيرك
وانك كنت بتتنازل عن حقيقتك علشان ما تسمعش نقد
وبتحاول تبقى نسخة تناسبهم
مش نسخة تشبهك
ولما تبطل تدور على رضا حد
تتنفس
تحس بخفة
تحس انك بترجع لحقيقتك
وترجع لاختياراتك
وترجع لشخصيتك اللي خبتيها زمان
وتكتشف ان اللي بيحبك هيحبك زي ما انت
وان اللي بيقدر هدوءك مش محتاج منك تتصنع
وان اللي فاهمك مش هيطلب منك تبقى شخص تاني
وان ارضاء الناس مطلب مستحيل
ولو حاولت تكمّل فيه
هتخسر نفسك
وتبدأ تختار كلامك لنفسك
خطواتك لنفسك
قراراتك لنفسك
وتبعد عن الدوشة اللي كانت بتاكل من طاقتك
وتسيب اي حد مش قادر يفهمك
يمشي برحته
وتلاقي راحتك بتقرب
وتعبك بيبعد
وتقديرك لنفسك بيعلى
لانك اخيرا
فهمت ان اللي لازم ترضيه
هو انت
وان اللي لازم تخاف تزعل منه
هو قلبك
وان اللي لازم تهتم بيه
هو نفسك
ولما توصل لده
تعيش بصدق
وتتنفس بحري
ة
وتسلم روحك لراحة
كانت مستنياك من زمان.
اضف تعليقاً عبر:
الابتسامات